बुटवल। रुपन्देहीमा स्कूल बसले मोटरसाइकललाई ठक्कर दिँदा २ जनाको मृत्यु भएको छ ।लुम्बिनी सांस्कृतिक नगरपालिका वडा नम्बर ४ मा आज बिहान सिद्धार्थ बोर्डिङ स्कूलको लु १ क १७७८ नम्बरको बसले लु ३७ प ८४८२ नम्बरको मोटरसाइकललाई ठक्कर दिँदा २ जनाको मृत्यु भएको जिल्ला प्रहरी कार्यालय रुपन्देहीले जनाएको छ ।
प्रहरीका अनुसार मोटरसाइकलमा ३ जना सवार रहेका थिए । उनीहरू मध्ये दुई जनाको घटनास्थलमै मृत्यु भएको हो । दुर्घटनामा महम्मद इसाद र १६ वर्षकै रूपसना खातुनको घटनास्थलमै मृत्यु भएको हो । मोटरसाइकलमा सवार १२ वर्षकै अप्सना खानुतको घाइते भएकी छन । घाइतेको भैरहवामा उपचार भइरहेको छ ।
ठक्कर दिने बसमा स्थानीयले आगो लगाइदिएका छन् । दुर्घटना भएको क्षेत्रमा स्थानीयले अहिले प्रदर्शन गरिरहेका छन् ।दुर्घटनापछि बस चालक फरार रहेको र उनको खोजी भइरहेको प्रहरीले जनाएको छ ।
प्रतिक्रिया दिनुहोस
सफल खबर संवाददाता
शनिबार, १६ मंसिर २०८०, १२ : ५५
लेखकबाट थप
सम्बन्धित समाचारहरु
छुट्टाछुट्टै दुर्घटनामा तीन जनाको मृत्यु
छुट्टाछुट्टै सवारी दुर्घटनामा ७ जनाको मृत्यु
डडेल्धुरामा बस दुर्घटना, चार जनाको मृत्यु
दुर्घटना न्यूनीकरणका लागि रामेछापमा निःशुल्क खाजासहितको विश्रामस्थल
सुर्खेतमा मिनी बस दुर्घटना : एक जनाको मृत्यु, दुई घाइते
काठमाडौँमा दुई जनासहित दुर्घटनामा ६ जनाको मृत्यु