सुनको सिक्री लुटेर भाग्दै गरेका युवक पक्राउ

काठमाडौं। काठमाडौंमा सुनको सिक्री लुटेर भाग्दै गरेको एक जना पक्राउ परेका छन् । पक्राउ पर्नेमा बाराको सिमरा नगरपालिका १४ घर भइ ठमेल बस्ने २३ वर्षीय रोहन शाह रहेका छन् । उनलाई बिहीवार राति पक्राउ गरिएको प्रहरीले जनाएको छ ।

प्रहरीका अनुसार काठमाडौं महानगरपालिका ३२ स्थित नाककाट्य मन्दिर नजिक सडकबाट सुनको सिक्री लुटेर भाग्दै गरेको अवस्थामा उनी पक्राउ परेका हुन् ।

नाककाट्य मन्दिर नजिकै सडकमा हिँडिरहेकी २२ वर्षीया युवतीको सुनको सिक्री लुटपाट गरी भाग्दै गरेको अवस्थामा प्रहरी प्रभाग काँडाघारीबाट खटिएको प्रहरीले उनलाई सिक्रीसहित पक्राउ गरेको हो ।थप अनुसन्धान भइरहेको प्रहरीले जनाएको छ ।