एजेन्सी । उत्तरी गाजाको अल–शिफा अस्पतालका डाक्टरले इजरायल डिफेन्स फोर्स (आईडीएफ)ले अस्पताल खाली गर्न दिएको अनिवार्य आदेशलाई अस्वीकार गरेका छन् ।
अस्पतालमा उपचाररत करिब ७०० बिरामीका कारण आफूहरुले अस्पताल छाड्न नसक्ने उनीहरुले बताएका छन् । बार्स, गाजामा हमासद्वारा सञ्चालित स्वास्थ्य मन्त्रालयका महानिर्देशक डा मुनिर अल–का अनुसार उपचार प्रभावित भएमा लगभग ७०० जोखिममा रहेका बिरामीको मृत्यु हुन्छ ।
“समस्या डाक्टरको होइन, बिरामीको हो । उनीहरूलाई पछाडि छोडियो भने, तिनीहरू मर्नेछन्, र उनीहरूलाई सारियो भने तिनीहरू बाटोमा मर्नेछन् । यो समस्या हो, हामी ७०० बिरामीहरूको बारेमा कुरा गर्दै छौँ,” डा अल बर्शले सोमबार सीएनएनलाई भने ।
अस्पतालका चिकित्सकका अनुसार हजारौँ मानिस अस्पताल परिसरमा आश्रय लिएका छन् । डा. अल–बुर्सका अनुसार निकासी आदेश कुनै पनि अन्तर्राष्ट्रिय मानवीय संस्थासँग समन्वय गरिएको छैन ।
यसअघि, सोमबार आईडीएफले उत्तरी गाजाका बासिन्दाका लागि सुरक्षित मार्ग पुनः खोलिएको घोषणा गरेको थियो । आईडीएफका प्रवक्ता रिचर्ड हेच्टले आइतबार उत्तरी गाजाका अधिकांश रन्टीसी र अल–नासर अस्पतालहरू लगभग पूर्ण रूपमा खाली गरिसकिएको बताए ।
प्रतिक्रिया दिनुहोस
एजेन्सी
मंगलबार, २८ कार्तिक २०८०, १० : ०४
लेखकबाट थप
सम्बन्धित समाचारहरु
डाक्टरमाथि हातपातको आरोपमा दुई जना पक्राउ
डाक्टर कुटेको आरोपमा वडाध्यक्ष पक्राउ
डाक्टर कुटपिट घटनाबारे सरकार र आन्दोलनरत चिकित्सकबीच वार्ता सुरु
सामूहिक राजीनामा दिने हेटौंडाका चिकित्सकको चेतावनी
१० दिनपछि भेटियो सप्तकोशी पुलमा कार छाडेर बेपत्ता डाक्टरको शव
‘नक्कली’ भनेर पक्राउ परेका सक्कली डाक्टर थुनामुक्त