आधा किलो सुनसहित विमानस्थल भन्सार कार्यालयबाट एक पक्राउ

काठमाडौँ । आधा किलो सुनसहित त्रिभुवन विमानस्थल भन्सार कार्यालयबाट एक जना पक्राउ परेका छन् । 

मलेसियन एयरलाइन्सबाट आएका सिन्धुलीका नवराज धामीलाई पाँच सय १० ग्राम सुनसहित पक्राउ गरिएको हो । उनले टिभी भित्र लुकाएर ल्याएको अवस्थामा शङ्का लागि चेक जाँच गर्दा सुन फेला परेको भन्सार प्रमुख डा. टोक राज पाण्डेले बताए। 

उनीबारे थप अनुसन्धान भइरहेको प्रमुख डा. पाण्डेले जानकारी दिए ।