बैतडी। चाडपर्वलाई लक्षित गर्दै भारतीय नाकासहित बैतडीका ६ स्थानमा यात्रु सहायता कक्ष स्थापना गरिएको छ ।दशैं र तिहारका बेला यात्रुहरूलाई गन्तव्यमा पुर्याउन सहयोग गर्ने उद्देश्यले भारतसँगको सीमानाका झुलाघाट, सदरमुकामस्थित गोठलापानी, सतबाँझ, गोकुलेश्वर, पाटन र खोड्पेमा यात्रु सहायता कक्ष स्थापना गरिएको हो ।
चाडपर्वका समयमा यात्रुलाई पर्न सक्ने विभिन्न समस्यालाई समाधान गर्न यात्रु सहायता कक्ष स्थापना गरिएको जिल्ला प्रहरी कार्यालयका सूचना अधिकारी प्रहरी निरीक्षक योगेश खत्रीले जानकारी दिए ।
तोकिएकोभन्दा बढी भाडा लिन नदिन, क्षमताभन्दा बढी यात्रु बोक्न नदिन र यात्रुलाई सहजताका साथ गन्तव्यमा पुर्याउन यात्रु सहायता कक्षमार्फत काम गरिनेछ ।प्रहरीको १०० नम्बर र जिल्ला ट्राफिक प्रहरीको फोनमा सम्पर्क गरेर समस्या राखेमा पनि समस्या समाधान गरिने जनाइएको छ ।
सञ्चालन गरिएका प्रत्येक सहायता कक्षमा कम्तीमा दुई सुरक्षाकर्मी खटिएका छन् । छठ पर्वसम्म यात्रु सहायता कक्षलाई निरन्तरता दिइने बताइएको छ । दशैं, तिहार र छठ जस्ता चाडपर्वलाई लक्षित गरेर जिल्लाका अन्य स्थानमा पनि चाँडै यात्रु सहायता कक्ष स्थापना गरिने जिल्ला प्रहरी कार्यालयले जनाएको छ ।
प्रतिक्रिया दिनुहोस
सफल खबर संवाददाता
विहीबार, १८ असोज २०८०, १५ : ४०
लेखकबाट थप
सम्बन्धित समाचारहरु
मंगलबारदेखि बैतडीको झुलाघाट नाका बन्द हुँदै
बैतडीमा जन्ती बोकेको जीप दुर्घटना
बैतडीमा जिप दुर्घटना, एकजनाको मृत्यु
बैतडीमा स्वास्थ्य बीमामा सर्वसाधारणको पहुँच बढ्दै
बैतडीमा नागरिकता बनाउनेको संख्या घट्यो, राहदानी बनाउने बढे
बैतडीमा एकजना मृत फेला