काठमाडौं । नेपाल चिकित्सक संघले आन्दोलन फिर्ता लिएपछि आजदेखि देशभरका स्वस्थ्य संस्थाका बहिरंग सेवा (ओपीडी) सञ्चालनमा आएका छन् । सरकार र संघबीच ६ बुँदे सहमति भई आन्दोलनका कार्यक्रम फिर्ता भएसँगै देशभरका स्वास्थ्य संस्थामा ओपीडी सेवा सञ्चालनमा आएको हो ।
सहमति भएसँगै देशभरका स्वास्थ्य संस्था सञ्चालनमा आएको संघका महासचिव डा.सञ्जिव तिवारीले जानकारी दिए । स्वास्थ्य तथा जनसङ्ख्या मन्त्रालयकाअनुसार आइतबार देशभरका सरकारी र निजीसहित १० हजार १३९ स्वास्थ्य संस्थाबाट करिब ६० हजार बिरामीले स्वास्थ्य सेवा लिनबाट बञ्चित भएका थिए ।
भदौ २७ गते हेटौंडाको सन्चो अस्पतालमा बिरामीको उपचार गरिरहेको अवस्थामा डा.विकास थापा र डा प्रशान्त बिडारीमाथि बिरामीका आफन्तले आक्रमण गरेका थिए । सोही घटनालाई दिएर संघले आन्दोलन थालेको थियो ।
संघले ओपिडी सेवा बन्दको आह्वान गरेपछि हजारौं बिरामी उपचारबाट बञ्चित भएका थिए । डाक्टरमाथि आक्रमण गर्ने ४ जना पक्राउ परेका छन् भने पाँच जनालाई पक्राउ पुर्जी जारी गरिएको छ ।
आक्रमणमा संलग्नलाई स्वास्थ्य संस्था तथा स्वास्थ्यकर्मी सुरक्षासम्बन्धी ऐनअनुसार कारबाही गर्ने र अन्य संलग्न व्यक्तिलाई पक्राउ गर्ने लगायतका सहमति भएपछि ओपीडी सेवा सुरु भएको डा.तिवारीले बताए ।
प्रतिक्रिया दिनुहोस
सफल खबर संवाददाता
सोमबार, ०१ असोज २०८०, १४ : ०२
लेखकबाट थप
सम्बन्धित समाचारहरु
८३ अस्पतालबाट स्वास्थ्य सेवा लिने व्यवस्था
स्वास्थ्यका पाँच कर्मचारी पुरस्कृत
मधेस प्रदेशका लागि स्वास्थ्य सेवाका १६० कर्मचारी माग (सूचनासहित)
आकस्मिक बाहेकका स्वास्थ्य सेवा आज ठप्प, बिरामी मर्कामा
राष्ट्रपति पौडेलको स्वास्थ्य अवस्था स्थिर : चिकित्सक