म्यानमारविरुद्धको मैत्रीपूर्ण खेलका लागि नेपाली टोलीको घोषणा

काठमाडौं । म्यानमारविरुद्ध हुने दुई खेलको मैत्रीपूर्ण अन्तर्राष्ट्रिय फुटबलका लागि नेपाली टोली घोषणा गरिएको छ । अखिल नेपाल फुटबल संघ (एन्फा)ले आइतबार २३ सदस्यीय अन्तिम टोलीको घोषणा गरेको हो ।

किरणकुमार लिम्बूको कप्तानीमा रहने टोलीमा उनीसहित दीपक कार्की र अभिषेक बराल गोलकिपर रहेका छन् । अन्य खेलाडीमा सनिष श्रेष्ठ, अनन्त तामाङ, आशिष गुरुङ, रोहित चन्द, अञ्जन राई, छिरिङ लामा, एरिक विष्ट, सुदीप गुरुङ, लकेन लिम्बू, आवास लामिछाने छन् ।

उत्सव राई, कृतिसरत्न चुन्जू, आयुष घलान, अञ्जन विष्ट, मनिष डाँगी, नवयुग श्रेष्ठ, आशिष चौधरी, जिलेप्सीजङ कार्की, दिनेश हेनजान र हिसब थपलिया पनि टोलीमा छन् ।नेपालले सेप्टेम्बर ८ र ११ तारिखमा म्यानमारसँग मैत्रीपूर्ण फुटबल खेल्दैछ ।