चंखेली गाउँपालिकाका प्रमुख प्रशासकीय अधिकृत शाहीसहित ८ जनाविरुद्ध भ्रष्टाचार मुद्दा दायर

काठमाडौं। अख्तियार दुरुपयोग अनुसन्धान आयोगले हुम्लाको चंखेली गाउँपालिकाका प्रमुख प्रशासकीय अधिकृत विष्णुबहादुर शाहीसहित ८ जनाविरुद्ध भ्रष्टाचार मुद्दा दायर गरेको छ।

मुख्यमन्त्री स्वरोजगार कार्यक्रम अन्तर्गत विनियोजन भएको रकममार्फत गाउँपालिका वडा नं. २ स्थित खानेपानीको ट्याङ्की निर्माणमा अनियमितता भएको आरोपमा उनीहरू विरुद्ध विशेष अदालत काठमाडौं भ्रष्टाचार मुद्दा दायर गरिएको अख्तियारका सहायक प्रवक्ता देवीप्रसाद थपलियाले जानकारी दिए ।