मकवानपुर । काठमाडौं–हेटौँडा जोड्ने कान्ति लोकपथअन्तर्गत ललितपुरको भट्टेडाँडास्थित वाग्मतीको पुलनजिकै आज बिहान पहिरो जाँदा काठमाडौं–हेटौँडाको यातायात अवरुद्ध भएको छ ।
मकवानपुरको सिमानाबाट करिब दुई किलोमिटर उत्तरतर्फ वाग्मती पुलनजिकै गएको पहिरो मौसममा सुधार आएपछि मात्र हटाउन सकिने जिल्ला प्रहरी कार्यालयका प्रहरी निरीक्षक रामचन्द्र घिमिरेले जानकारी दिए ।
यता, हेटौँडाबाट काठमाडौंका लागि प्रस्थान गरेका हल्का सवारीसाधनलाई ठिंगन प्रहरीले रोकेको छ ।
चितवनको मुग्लिन सडकखण्ड पहिरोका कारण अवरुद्ध भएपछि काठमाडौंबाट चितवनतर्फ गुडेका सबै सवारीसाधन त्रिभुवन राजपथतर्फ फर्काइएको प्रहरी निरीक्षक घिमिरेले जानकारी दिए ।
यसैगरी, पश्चिमबाट आएका सवारीसाधन हेटौँडाबाट त्रिभुवन राजपथ हुँदै काठमाडौंतर्फ प्रस्थान गरेको जिल्ला प्रहरी कार्यालय मकवानपुरले जनाएको छ ।
यस्तै, मकवानपुरस्थित त्रिभुवन राजपथ, पूर्वपश्चिम राजमार्ग, भीमफेदी–कुलेखानी सडकखण्डको फाखेल र सिस्नेरी तथा चित्लाङ–थानकोट सडकमा पनि सवारीसाधन सञ्चालनमा रहेको प्रहरीले जनाएको छ ।
प्रतिक्रिया दिनुहोस
सफल खबर संवाददाता
शुक्रबार, १५ असार २०८०, १० : ४९
लेखकबाट थप
सम्बन्धित समाचारहरु
पहिरोमा पुरिएर एकै परिवारका तीनजनाको मृत्यु
बाढी, पहिरो लगायतका विपद्मा परी हालसम्म १३० जनाको मृत्यु
सिमलताल पहिरो अपडेटः २५ शव भेटिए, १७ जनाको सनाखत
बाढी, पहिरो अपडेट: अहिलेसम्म १२४ जनाको मृत्यु
भूकम्प पीडितको अस्थायी टहरामाथि पहिरो खस्दा चार जना घाइते
बाढी, पहिरो लगायतका विपद्मा परी हालसम्म १२० जनाको मृत्यु