साउदी अरबको अमेरिकी दूतावासअघि गोली चल्यो, नेपाली सुरक्षागार्डको मृत्यु

काठमाडौं । साउदी अरबको जेद्दामा गोली लागेर एक नेपालीको मृत्यु भएको छ ।

अमेरिकी वाणिज्य दूतावास बाहिर गोली चल्दा एक नेपाली सुरक्षागार्डको मृत्यु भएको हो । अन्य एकजनाको पनि मृत्यु भएको समाचार संस्था अलजजिराले छ ।

बुधबार कारमा सवार एक व्यक्ति जेद्दास्थित अमेरिकी वाणिज्य दूतावास अगाडि बन्दुक लिएर ओर्लिएर गोली चलाउँदा उक्त घटना भएको समाचारमा उल्लेख छ । सुरक्षाकर्मीले उनलाई नियन्त्रणमा लिने प्रयास गर्दा उनले गोली चलाएका थिए । 

मृत्यु हुने नेपाली सुरक्षा गार्ड रहेको तर पहिचान भइनसकेको समाचारमा उल्लेख छ ।