लुम्बिनी प्रदेशसभाः आजको बैठक स्थगित, बजेटको विषयमा सत्तापक्ष सांसद नै असन्तुष्ट

दाङ । लुम्बिनी प्रदेशसभाको बैठक १३ गते बस्ने भएको छ।

दोस्रो अधिवेशनको १२ औँ बैठक आइतबार दिउँसो १ बजे बस्ने सूचना सार्वजनिक गरिएको थियो। तर आज आह्वान गरिएको बैठक स्थगित गरिएको लुम्बिनी प्रदेशसभा सचिवालयले जानकारी दिएको छ ।

बैठकमा प्रदेश सभामा प्रस्तुत भएको बजेटमाथि छलफल गर्ने कार्यसूची थियो। तर असार १ गते आएको बजेटलाई लिएर सत्तापक्षका सांसदहरूले नै टिप्पणी गर्न थालेपछि बैठक ढकेलिएको बताइएको छ।

सत्ता गठबन्धनको सहमतिविपरीत बजेट आएको भन्दै विवाद बढ्ने देखिएको छ। प्रदेशसभाको बैठक असार १३ गते बुधबारका लागि सारिएको हो।

दिउँसो ३ बजे बैठक बस्ने प्रदेशसभा सचिव दुर्लभकुमार पुनले जानकारी दिए।