बाढीले पुल बगायो, मेची राजमार्ग अवरुद्ध

काठमाडौँ । अविरल वर्षापछि आएको बाढीले पाँचथरस्थित मेची राजमार्गको एक पक्की पुल बगाएको छ ।

झापा र ताप्लेजुङ जिल्ला जोड्ने पुल बाढीले बगाएको प्रहरीले जनाएको छ । राजमार्गस्थित पाँचथरको फिदिम नगरपालिका र हिलिहाङ गाउँपालिका जोड्ने हेवा खोलामा अविरल वर्षापछि आएको बाढीको कारण हेवा खोलाको पुल बगाएको प्रहरीको भनाइ छ । जसका कारण मेची राजमार्ग पूर्ण रुपमा अवरुद्ध भएको प्रहरीले जनाएको छ । 

प्रहरीले ताप्लेजुङ, झापा  जोड्ने मेची राजमार्ग सडक खण्ड अवरुद्ध भएको हुँदा आम सर्वसाधारणलाई वैकल्पिक मार्गको प्रयोग गर्न अनुरोध गरेको छ । 

साथै तमोर करीडोरका विभिन्न स्थानहरुमा सडक अवरुद्द भएको पनि प्रहरीले जनाएको छ ।