काठमाडौँ । विश्व रक्तदाता दिवसका अवसरमा मानव अधिकार तथा शान्ति समाजका जिल्ला शाखाहरुले विभिन्न ७ जिल्लामा रक्तदान कार्यक्रम गरेका छन् । शान्ति समाज महोत्तरी शाखाको आयोजनामा जलेश्वरमा सम्पन्न रक्तदान कार्यक्रममा २८ जनाले र चितवन शाखाद्वारा आयोजित कार्यक्रममा १४ जनाले रक्तदान गरेका छन् ।
यसैगरी शान्ति समाज रुपन्देही शाखा र नेपाल स्वयंसेवी रक्तदाता समाज रुपन्देहीको संयुक्त आयोजनामा बुटवलमा सम्पन्न रक्तदान कार्यक्रममा ३ दर्जन बढीले र शान्ति समाज नुवाकोट शाखा र नुवाकोट आर्दश बहुमुखी क्याम्पसको संयुक्त आयोजनामा बट्टारमा सम्पन्न कार्यक्रममा ३४ जनाले रक्तदान गरेको कार्यक्रम अधिकृत सरिता पौडेलले जानकारी दिइन् ।
यस्तै शान्ति समाज पाल्पा, बाँके र सुनसरी शाखाले पनि रक्तदान कार्यक्रम गरेका छन् । सन् २००४ देखि जुन १४ का दिन अन्तर्राष्ट्रिय स्तरमै विश्व रक्तदाता दिवस मनाइँदै आएको छ । शान्ति समाजले आफ्नो स्थापना दिवस, राष्ट्रिय परिषद् बैठक लगायत विभिन्न सन्दर्भमा रक्तदान कार्यक्रम गर्दै आएको छ ।
प्रतिक्रिया दिनुहोस
सफल खबर संवाददाता
बुधबार, ३१ जेठ २०८०, १३ : ३६
लेखकबाट थप
सम्बन्धित समाचारहरु
रत्ननगरमा भएको एमालेको रक्तदानमा ८५ युनिट रगत संकलन
पूर्वप्रदेश प्रमुखद्वारा ४२औँ पटक रक्तदान
संसद् सेवा दिवसका अवसरमा सिंहदरबारमा रक्तदान
भूकम्पपीडितका लागि तरुण दलले रक्तदान गर्ने
रास्वपाले भोलि सय ठाउँमा रक्तदान कार्यक्रम गर्दै
ब्लड बैंकमा समेत रगत अभाव, रक्तदान गर्न आह्वान