काठमाडौँ । नेकपा एकीकृत समाजवादीले नक्कली भुटानी शरणार्थी प्रकरणको मुद्दा र अनुसन्धान प्रक्रियालाई कमजोर नबनाउन सरकारको ध्यानाकर्षण गराएको छ । सो पार्टीले बुधवार उपप्रधान तथा गृहमन्त्री नारायणकाजी श्रेष्ठलाई ज्ञापन पत्र बुझाउँदै नक्कली भुटानी शरणार्थी प्रकरणको मुद्दालाई कमजोर बनाउने काम नगर्न आग्रह गरेको हो ।
‘नक्कली भुटानी शरणार्थी काण्डसम्बन्धी अपराधको सम्पूर्ण सञ्जाललाई कानुनको घेराभित्र ल्याई कडाभन्दा कडा कानुनी सजाय दिन हामी सरकारसमक्ष जोडदार माग गर्दछ’, एकीकृत समाजवादीले ज्ञापन पत्रमार्फत भनेको छ, ‘भ्रष्टाचारमा संलग्नहरू जतिसुकै शक्तिशाली भए पनि कारबाहीमा पर्छन् भन्ने देखिएमा मात्रै निराश जनतामा नयाँ आशा र विश्वास पलाउने छ ।’
नेकपा एकीकृत समाजवादीका मोर्चा सङ्गठन प्रमुख विजय पौडेलले हस्ताक्षर गरेर बुझाएको ज्ञापन पत्रमा भ्रष्टाचारीहरूलाई कानुनी कारबाहीको दायरामा ल्याउन अहिलेसम्म सरकारले राखेको अडान र सकृयताले आम नागरिकको बीचमा सकारात्मक सन्देश प्रवाह गरेको उल्लेख छ । ‘निराश जनता केही मात्रामा आशावादी बनेका छन् । यसका लागि हामी नेपाल सरकारलाई धन्यवाद दिन चाहन्छौ’, नेकपा एकीकृत समाजवादीले अहिलेसम्म गरेको कामको प्रशंसा गरेको छ ।
प्रतिक्रिया दिनुहोस
सफल खबर संवाददाता
बुधबार, ०३ जेठ २०८०, १४ : ५८
लेखकबाट थप
सम्बन्धित समाचारहरु
नक्कली भुटानी शरणार्थी प्रकरण : थुनछेक बहस सकियो, आजै आदेश आउने
नक्कली भुटानी शरणार्थी प्रकरण, सरकारी वकिलतर्फको बहस सकियो
अदालतमा बालकृष्ण खाँणको इन्कारी बयान
नक्कली भुटानी शरणार्थी प्रकरणमा ९ जनाको बयान सकियो
नक्कली भुटानी शरणार्थी प्रकरणमा ९ जनाको बयान सकियो
भ्रष्टाचार छानबिनमा सरकारलाई समर्थनसँगै खबरदारी पनि गर्न प्रवास समन्वयन समितिको परिपत्र