ढाका । बङ्गलादेशकी प्रधानमन्त्री शेख हसिनाले आफूमाथि प्रतिबन्ध लगाउने देशबाट बङ्गलादेशले कुनै पनि सामान खरिद नगर्ने बताएकी छन् । बङ्गलादेशको इन्स्टिच्युट अफ इन्जिनियर्स, बङ्गलादेश (आईईबी) को ६०औँ अधिवेशनको शनिबार ढाकामा उद्घाटन गर्दै प्रधानमन्त्री हसिनाले उक्त कुरा बताएकी हुन् ।
उनले भनिन्, “अहिले आतङ्कवाद नियन्त्रण गर्नेहरूमाथि प्रतिबन्ध लगाउने प्रवृत्ति देखिएको छ । हामीले एउटा निर्णय गरेका छौं । मैले भनेको छु कि हामी प्रतिबन्ध लगाउनेहरूबाट केही पनि किन्ने छैनौ,”
हसिनाले यसअघि बङ्गलादेशको विशेष सुरक्षा बल एकाइ, -यापिड एक्सन बटालियन (आरएबी) का अधिकारीहरूमाथि अमेरिकी प्रतिबन्धको निन्दा गर्दै यो कदम ‘अत्यन्त निन्दनीय कार्य’ भएको बताएकी थिइन् ।
उनले दक्षिण एशियाली मुलुकले आतङ्कवाद र आतङ्कवादी प्रवृतिलाई नियन्त्रण गर्ने प्रयासमा अभिजात वर्गले ठूलो योगदान पु-याएको बताइन् । डिसेम्बर २०२१ मा, अमेरिकी ट्रेजरी विभाग र विदेश विभागले आरएबी र यसका सात बहालवाला र पूर्व शीर्ष अधिकारीहरूमाथि मानव अधिकार उल्लङ्घन गरेको भन्दै प्रतिबन्धको घोषणा गरेका थिए ।
प्रतिक्रिया दिनुहोस
एजेन्सी
सोमबार, ०१ जेठ २०८०, ११ : ०१
लेखकबाट थप
सम्बन्धित समाचारहरु
बङ्गलादेशका विदेश सचिव मोमेन काठमाडौँ आइपुगे
बङ्गलादेशमा निर्वाचनः कडा सुरक्षाबीच मतदान जारी, विपक्षीको बहिस्कार
त्रिपक्षीय सम्झौतामार्फत नेपालको बिजुली बङ्गलादेश लगिने
बङ्गलादेशले अस्ट्रेलियालाई दियो ३ सय ७ रनको लक्ष्य
बङ्गलादेशबाट एकैपटक करिब २ सय जना पर्यटक नेपाल भित्रिए, पञ्चेबाजासहित स्वागत
अफगानिस्तानले सजिलै जित्यो बङ्गलादेशविरुद्वको शृङ्खला