काठमाडौँ । नेकपा माओवादी केन्द्रका अध्यक्ष तथा प्रधानमन्त्री पुष्पकमल दाहाल ‘प्रचण्ड’ ले केही दिनभित्रै समाजवादी मोर्चा गठन गरेर नेकपा बनाउने अभियान सुरु हुने बताएका छन् ।आइतबार नेकपा एकीकृत समाजवादीले नेकपाको ७५ औं स्थापना दिवसको अवसरमा आयोजित नेपाली कम्युनिस्ट आन्दोलन उपलब्धि चुनौती र सम्भावना विषयक विचार गोष्ठीलाई सम्बोधन गर्दै प्रचण्डले सो कुरा बताएका हुन् ।
‘केही दिनभित्रै समाजवादी मोर्चा गठन गरिने छ र त्यो मोर्चाले नेकपातिर फर्कन सबैलाई अपिल गर्नेछ’, प्रचण्डले भने, ‘नेकपा केही नेताको सनकले दुर्घटना भएपनि त्यो एकतालाई पुर्नजिवित गर्न चाहान्छौ ।’प्रधानमन्त्री समेत रहेका प्रचण्डले विगतका अनुभवबाट शिक्षा लिएर फेरि पनि कम्युनिस्ट आन्दोलनलाई सही विचार र नीतिका आधारमा एकताबद्ध गर्ने कुरा जारी राख्नुपर्ने त्यसतर्फ काम भइरहेको समेत बताए ।‘रुपान्तरण नयाँ आधारमा नयाँ एकता । अहिले पनि एकताकै पक्षमा धु्रविकरणकै पक्षमा छौ’, प्रचण्डले भने, ‘हामी नेकपातिर नै फर्कनुपर्छ । कम्युनिस्ट पार्टी र नेतृत्वलाई चाबी भन्ने गरिन्छ । हो पनि । नेतृत्वले नै गलत विचार अंगिकार गर्यो भने ठुलो क्षति हुन्छ ।
त्यो अन्तर्राष्ट्रिय र आफ्नै आँखा अगाडी पनि देख्यौ ।’प्रचण्डले २०७४ मा आफूले नै एकताको प्रस्ताव गरेको भन्दै राष्ट्रिय स्वाधीनता र एकता तथा जनजीविकाका साथै गणतन्त्र सुदृढ गर्न पनि कम्युनिस्टहरू एकता हुन जरुरी रहेको बताए ।‘आज म फेरि यो अवसरमा सबै कमरेड मित्र तथा कम्युनिस्टहरुलाई अहिले पनि देशको राष्ट्रिय एकता र राष्ट्रिय स्वाधीनताका लागि एकता जरुरी छ । आउनुस् बसौ, समीक्षा गरौँ र एकताको पहल सुरु गरौँ त्यसले मात्र हामी कम्युनिस्ट आन्दोलनप्रतिको इमानदारिता हुन्छ’, प्रचण्डले भने, ‘केही दिनभित्रै समाजवादी मोर्चा गठन गरिने छ र त्यो मोर्चाले नेकपातिर फर्कन सबैलाई अपिल गर्नेछ ।’ उनले यसअघिको नेकपा केही नेताको सनकले दुर्घटना भएपनि त्यो एकतालाई पुर्नजिवित गर्नुपर्ने बताए ।
प्रतिक्रिया दिनुहोस
सफल खबर संवाददाता
आइतबार, १० बैशाख २०८०, १६ : ४८
लेखकबाट थप
सम्बन्धित समाचारहरु
स्वास्थ्य बीमा भुक्तानी व्यवस्था सरल हुनुपर्छ : प्रधानमन्त्री प्रचण्ड
चुरे क्षेत्रमा एक करोड बाँस रोप्छौँ : प्रधानमन्त्री
विश्वमञ्चमा नेपालीले उल्लेखनीय प्रगति गरेका छन् : प्रधानमन्त्री प्रचण्ड
सुन तस्करी जाँचबुझ आयोगको सिफारिस कार्यान्वयन गर्न प्रधानमन्त्री प्रचण्डको निर्देशन
राष्ट्रप्रति समर्पित युवा देशका लागि पहिलो आवश्यकता : प्रधानमन्त्री प्रचण्ड
प्रधानमन्त्री प्रचण्ड र महन्थ ठाकुरबिच भेटवार्ता, सरकारमा सहभागी हुन लोसपालाई आग्रह