एक महिनामै बैंकहरुले आठ अर्ब रुपैयाँभन्दा बढी नाफा कमाए

काठमाडौ । चालु आर्थिक वर्ष २०७९-८० को फागुनमा मात्रै वाणिज्य बैङ्कहरूले साढे आठ अर्ब रुपियाँभन्दा बढी नाफा थपेका छन् ।

बैङ्कहरूले फागुनमा आठ अर्ब ५७ करोड ९० लाख रुपियाँ नाफा थपेका हुन् । आर्थिक  वर्ष  २०७९÷८०  को  फागुनसम्ममा वाणिज्य बैङ्कहरूले करिब ४९ अर्ब रुपियाँ नाफा आर्जन गरेका छन् ।

विश्वका साथै नेपालको पनि अर्थतन्त्र असजिलो अवस्थादेखि विश्वकै प्रतिष्ठित बैङ्कहरू  समस्याग्रस्त  भइरहेका  बेला  यहाँका  वाणिज्य बैङ्कहरूको नाफाको ग्राफ घट्नु परेको छैन ।

मुलुककै अर्थतन्त्रमा मन्दी देखिएको, व्यापार व्यवसायमा कमी आएको अवस्थामा पनि नेपालमा सञ्चालित बैङ्कहरूको नाफामा भने सुधार देखिनुले अर्थतन्त्र सबलीकरणमा त्राण मिलेको खबर गोरखापत्रमा छापिएको छ ।