महानगर क्षेत्रभित्र पूर्वाधार निर्माण गर्न ७ बुँदे नियम, उलंघन गरे ५० हजारसम्म जरिवाना

काठमाडौ । महानगर क्षेत्रभित्र पूर्वाधार निर्माण गर्न ७ बुँदे नियम, उलंघन गरे ५० हजारसम्म जरिवाना
काठमाडौँ । काठमाडौँ महानगर क्षेत्रभित्र पूर्वाधार निर्माण गर्न ७ बुँदे निर्देशनसहितको नियम बनाइएको छ । 

पूर्वाधार निर्माण र मर्मत कार्य सञ्चालन गर्दा अपनाउनुपर्ने विषयमा महानगरपालिकले ७ बुँदे नियम लागू गरेको हो । 
जसअनुसार सडक किनारमा निर्माण गरिने कुनै पनि भवनबाट सडकमा धूलो, निर्माण सामग्रीका टुक्रा आदि  थुपार्न पाइने छैन । 

सार्वजनिक निकायले महानगर क्षेत्रभित्र सञ्चालन गर्ने पूर्वाधार निर्माण तथा मर्मत लगायतका कार्य सकभर राति .गराउनुपर्नेछ । 

 यत्रतत्र राखिएका कुनै पनि निर्माण सामग्री वा उपकरण महानगरपालिकाल जुनसुकै बखत उठाउन सक्ने महानगरले स्पष्ट गरेको छ । 

यस्तै सार्वजनिक निकायले सञ्चालन गर्ने कुनै पनि निर्माण मर्मत कार्य सम्पन्न भए पश्चात् त्यस्ती क्षेत्रको पूर्ण सरसफाइ गर्नुपर्नेछ । 

 नियमको उल्लघन गर्नेमाथि ५ हजारदेखि ५० हजारसम्म जरिवाना हुने महानगरपालिकाले सोमबार जारी गरेको सूचनमा उल्लेख छ ।