पोखरा । आसन्न स्वतन्त्र विद्यार्थी युनियन (स्ववियु) निर्वाचनमा कास्कीमा नेकपा एमाले निकट विद्यार्थी संगठन अनेरास्ववियु र नेकपा माओवादी केन्द्र निकट अखिल (क्रान्तिकारी) बीच गठबन्धनको सहमति भएको छ। यी २ संगठनले लिखित सहमतिसँगै भागबण्डासमेत टुंग्याएका हुन्।
त्रिभुवन विश्वविद्यालयअन्तर्गत स्वतन्त्र विद्यार्थी युनियन निर्वाचनका लागि देशभरका आंगिक र सामुदायिक क्याम्पसमा शनिबार उम्मेदवारी दर्ता हुँदैछ। चैत ५ गते निर्वाचन हुनेछ। राष्ट्रिय राजनीतिमा गठबन्धन तोडेको एमाले र माओवादी निकट विद्यार्थी संगठनले कास्कीमा भने गठबन्धन गरेर निर्वाचनमा होमिन शुक्रबार सहमति भएको हो।
पार्टीकै पहलकदमीमा विद्यार्थी संगठनले गठबन्धन गरेका हुन् र दुई पार्टीका नेता र विद्यार्थी संगठनका नेताले समझदारीपत्रमा हस्ताक्षर गरेका छन्। एमालेको तर्फबाट कास्की इन्चार्ज कृष्णबहादुर थापा, पार्टी जिल्ला उपाध्यक्ष तेजनारायण अधिकारी, सचिव बैनबहादुर अधिकारी क्षेत्री र अनेरास्ववियु कास्की संयोजक सन्तोष पोखरेलले लिखित सम्झौतामा हस्ताक्षर गरेका छन्।
माओवादीको तर्फबाट कास्की इन्चार्ज राजकाजी गुरुङ, कास्की संयोजक केशव पौडेल, विद्यार्थी फ्याक्सन इन्चार्ज विनय थापा र अखिल ९क्रान्तिकारी०का जिल्ला अध्यक्ष शरदसिंह विश्वकर्माले हस्ताक्षर गरेका छन्।
यहाँको पृथ्वीनारायण क्याम्पस, वन विज्ञान अध्ययन संस्थान पोखरा, इन्जिनियरिङ अध्ययन संस्थान पश्चिमाञ्चल क्याम्पस, पोखरा नर्सिङ क्याम्पस, जनप्रिय बहुमुखी क्याम्पस र विन्ध्यावासिनी संस्कृत विद्यापीठमा भागवण्डा टुंगो लागेको छ।
प्रतिक्रिया दिनुहोस
सफल खबर संवाददाता
शनिबार, २७ फागुन २०७९, १० : ००
लेखकबाट थप
सम्बन्धित समाचारहरु
बालकुमारी घटनाको प्रतिवेदन सार्वजनिक गर्न माग गर्दै प्रदर्शन
'राजनीतिक शुद्धीकरण' अभियान चलाउने अनेरास्ववियुको निर्णय (पूर्णपाठ)
विद्यालय शिक्षामा नीजि लगानी बन्द हुनुपर्ने अनेरास्ववियुको माग
अनेरास्ववियु सुदूरपश्चिम अध्यक्षमा राई
त्रिविमा हुने राजनीतिक भागवण्डाविरुद्ध अनेरास्ववियुले सङ्घर्ष गर्ने
विश्वविद्यालयलाई राजनीतिमुक्त गर्न अनेरास्ववियुले अघि सारेको अवधारणा यस्तो छ (पूर्णपाठ)