शान्ति प्रक्रियालाई भाँड्न खोज्नु गणतन्त्रविरुद्ध षड्यन्त्र हो : जनार्दन शर्मा

काठमाडाैं ।  नेकपा माओवादी केन्द्रका नेता जनार्दन शर्माले शान्ति प्रक्रियालाई भाँड्न खोज्नु सिंगो संघीय लोकतान्त्रिक गणतन्त्रविरुद्धको षड्यन्त्र भएको टिप्पणी गरेका छन्। सामाजिक सञ्जालमार्फत उनले शान्ति प्रक्रियालाई संविधानको मर्म र भावनाबाट अलग गर्न नमिल्ने बताएका हुन्। 

शान्ति प्रक्रियालाई सत्य निरुपण तथा मेलमिलाप आयोगमामार्फत निष्कर्षमा पुर्‍याउनुको पनि विकल्प नरहेको उनले लेखेका छन्। माओवादी अध्यक्ष तथा प्रधानमन्त्री पुष्पकमल दाहाल 'प्रचण्ड'ले​ सशस्त्र द्वन्द्वकालमा आफूले ५ हजार मानिस मारेको जिम्मा लिने बताएपछि उक्त अभिव्यक्तिप्रति सर्वोच्च अदालतमा रिट दर्ता भएको छ। ​

प्रचण्डविरुद्ध सर्वोच्च अदालतमा परेको रिट न्यायाधीश विश्वम्भर प्रसाद श्रेष्ठको एकल इजलासमा पेशी तोकिएको छ ।  यस विषयलाई लिएर जनार्दन शर्माको यस्तो अभिव्यक्ति आएको हो।