काठमाडौं । भोलि (बिहीबार) हुने राष्ट्रपति निर्वाचनमा राष्ट्रिय प्रजातन्त्र पार्टी (राप्रपा)ले कुनै पनि उम्मेदवारलाई भोट नहाल्ने निर्णय गरेको छ । बुधबार राप्रपाको पार्टी कार्यालय धुम्बाराहीमा बसेको केन्द्रीय समितिको बैठकले राष्ट्रपति निर्वाचनमा कुनै पनि उम्मेदवारलाई भोट नहाल्ने निर्णय गरेको हो ।
बैठकपश्चात् पार्टीका प्रचार विभाग प्रमुख एवं प्रवक्ता मोहन श्रेष्ठले राप्रपाले राष्ट्रपति निर्वाचनमा कुनै पनि उम्मेदवारलाई भोट नहाल्ने र निर्वाचन प्रक्रियामा सहभागी नहुने निर्णय गरेका बताए ।
बैठकमा राष्ट्रपति निर्वाचनमा तटस्थ बस्नुपर्ने बहुमत भएपछि उक्त निर्णय सदर भएको हो । राजसंस्था पुनः स्थापना मुख्य राजनीतिक ऐजेन्डा बोकेको राप्रपाले गणतन्त्रको प्रतीक मानिने राष्ट्रपतिमा मतदान गर्नु राजनीतिक कार्यदिशाभन्दा फरक हुने भन्दै बैठकमा आवाज उठेको थियो ।
राष्ट्रपति निर्वाचनका लागि मतदान बिहीबार बिहान १० देखि दिउँसो ३ बजेसम्म नयाँबानेश्वरस्थित संघीय संसदमा चल्दैछ । राष्ट्रपति पदका लागि नेकपा एमालेबाट सुवासचन्द्र नेम्वाङ र ९ दलीय गठबन्धनबाट नेपाली कांग्रेसबाट रामचन्द्र पौडेल उम्मेदवार छन् ।
प्रतिक्रिया दिनुहोस
सफल खबर संवाददाता
बुधबार, २४ फागुन २०७९, १८ : ५१
लेखकबाट थप
सम्बन्धित समाचारहरु
राप्रपालाई ५ हजार २२२ रुपैयाँ जरिवाना
राप्रपाका तीन सांसद इलाम चुनावको प्रचारमा घरदैलो गर्दै
राप्रपाको आन्दोलनमा घाइते भएका नेता डाँगीको मृत्यु
कांग्रेस र राप्रपाद्वारा संसद् अवरुद्ध
राप्रपा अब कसैले नजरअन्दाज गर्न नसक्ने शक्तिको रूपमा स्थापित भइसक्यो : राजेन्द्र लिङ्देन
राप्रपाको आज काठमाण्डौंमा जनप्रदर्शन, दर्जनौं स्थानबाट ऱ्याली निस्कने, भृकुटीमण्डपमा भेला