काठमाडौँ । निर्वाचन आयोगले मंगलबार राष्ट्रपतिको निर्वाचनका लागि उम्मेदवारहरूको अन्तिम नामावली प्रकाशन गर्दैछ।
आज फागुन १६ गते उम्मेदवारहरूको अन्तिम नामावली प्रकाशन गर्ने आयोगको तयारी रहेको छ।
आयोगका अनुसार आज सुरुमा उम्मेदवारमध्ये कसैले चाहेमा नाम फिर्ताको समय दिइनेछ । नाम फिर्ता लिन चाहने उम्मेदवारका लागि बिहान १० बजेदेखि अपराह्न ४ बजेसम्मको समय निर्धारण गरिएको छ। यसको समय सकिएपछि अन्तिम नामावली प्रकाशन गर्ने आयोगको तयारी छ।
राष्ट्रपति विद्यादेवी भण्डारीको कार्यकाल सकिनै लाग्दा मुलुकको नयाँ राष्ट्रपतिका लागि फागुन २५ गते निर्वाचनको मिति तयर गरिएको छ।
जसको लागि २ जनाको उम्मेदवारी परेको छ। मुलुकको दोस्रो राष्ट्रपतिका लागि नेपाली कांग्रेसका नेता रामचन्द्र पौडेल र नेकपा एमालेका उपाध्यक्ष सुवासचन्द्र नेम्वाङले राष्ट्रपतिको निर्वाचनका लागि उम्मेदवारी दिएका छन्।
पौडेललाई कांग्रेसहित सत्तारुढ दल नेकपा माओवादी केन्द्रसमेत ८ दलको समर्थन छ।
राष्ट्रपति निर्वाचनका लागि संघीय संसद् भवन, अन्तर्राष्ट्रिय सम्मेलन केन्द्रलाई मतदान स्थल तोकिएको छ। मतदानका लागि अन्तर्राष्ट्रिय सम्मेलन केन्द्रमा नै २ वटा मतदान केन्द्रहरु हुनेछन्।
राष्ट्रपति निर्वाचनका लागि संघीय संसद्, प्रतिनिधि सभा र राष्ट्रिय सभाका सदस्य ५५० र ७ वटै प्रदेश सभाका सदस्य ३३२ गरी ८८२ मतदाता रहेका छन्।
प्रतिक्रिया दिनुहोस
सफल खबर संवाददाता
मंगलबार, १६ फागुन २०७९, ०७ : २१
लेखकबाट थप
सम्बन्धित समाचारहरु
होली पर्वले सामाजिक सद्भाव र राष्ट्रिय एकतालाई थप सुदृढ बनाउँछ : राष्ट्रपति
भूमिगत जलस्रोतको पुनःभरणका लागि जलाधार क्षेत्रको संरक्षण गर्नुपर्छ : राष्ट्रपति
राष्ट्रपति पौडेलद्वारा जलेश्वरको मन्दिरमा पूजा अर्चना
रुसमा राष्ट्रपति चुन्न मतदान सुरु
नेपालको सुन्दर प्रकृति र वैभवशाली संस्कृति विश्वको आकर्षण : राष्ट्रपति पौडेल
ग्याल्पो ल्होसारले समृद्ध मुलुक निर्माण गर्न प्रेरणा मिलोस् : राष्ट्रपति