माघ २९ गते एमाले केन्द्रीय कमिटी बैठक बस्ने

सफल खबर संवाददाता

सोमबार, २३ माघ २०७९, ०९ : ३९
माघ २९ गते एमाले केन्द्रीय कमिटी बैठक बस्ने

काठमाडौँ । नेकपा एमालेको केन्द्रीय कमिटीको पाँचौँ बैठक माघ २९ गते बस्ने भएको छ।

गत मंसिर ४ गते सम्पन्न प्रदेश तथा प्रतिनिधिसभा निर्वाचनपछि एमालेले पहिलो पटक केन्द्रीय कमिटीको बैठक बोलाएको हो। बैठक च्यासलमा रहेको तुल्सीलाल स्मृति प्रतिष्ठानस्थित पार्टी कार्यालयमा हुनेछ।

पार्टी एक केन्द्रीय कमिटी सदस्यका अनुसार उक्त बैठकमा मुख्यगरी निर्वाचन समीक्षा, समसामयिक राजनीतिक स्थिति र सांगठनिक सुदृढीकरणबारे छलफल गर्ने तयारी छ।

यस्तै, एमालेले बैठकको एजेन्डा तयगर्नका लागि भने माघ २६ गते सचिवालय बैठक बोलाएको छ।