माओवादी केन्द्रको स्थायी समिति बैठक बस्दै

काठमाडौँ । सत्तारुढ नेकपा माओवादी केन्द्रको स्थायी समिति बैठक बिहीबार बस्दै छ ।

पार्टी केन्द्रीय कार्यालय पेरिसडाँडामा बिहान ११ बजे बैठक बस्ने पार्टी महासचिव देव गुरुङले जानकारी दिए । 

बैठकमा नेताहरुको जिम्मेवारी बाँडफाँट टुङ्गो लगाउने  तयारी गरिएको छ । यसअघि मंगलबार बसेको पदाधिकारी बैठकले नेताको जिम्मेवारी बाँडफाँटको जिम्मा अध्यक्ष, उपाध्यक्षलाई दिने निर्णय गरेको थियो ।

कार्यविभाजनसँगै बैठकमा समसामयिक राजनीतिक घटनाक्रमबारे पनि छलफल हुनेछ ।