भिरबाट लड्दा २१ वर्षिया युवतीको मृत्यु

काठमाडौं । घाँस काट्न गएकी २१ वर्षीया एक युवतीको भीरबाट लडेर मृत्यु भएको छ ।

डोटीको शिखर नगरपालिका –१ की २१ वर्षीया अमिशा शाहीको मृत्यु भएको प्रहरीले जनाएको छ । बुधबार दिउँसो घर नजिकै जंगलमा घाँस काट्न जाने क्रममा भिरबाट लडेर मृत्यु भएको प्रहरीको भनाइ छ । 

मृत्यु भएकी युवति अमिशा कैलालीकोे धनगढी हसनपुरस्थित एेश्वर्य बहुमुखी क्याम्पसमा स्नातक प्रथम बर्षमा अध्ययनरत थिइन्। जाडो बिदा भएपछि उनी आफ्नो जन्मघर डोटी गएकी थिइन् । घटनाबारे अनुसन्धान भइरहेको प्रहरीले जनाएको छ ।