जसपा मधेस प्रदेश : संसदीय दलको नेताका लागि भोलि निर्वाचन

काठमाडौँ ।  जनता समाजवादी पार्टी (जसपा) नेपालको मधेस प्रदेश संसदीय दलको नेता चयनका लागि भोलि सोमवार निर्वाचन हुने भएको छ । पार्टी संसदीय दलको नेता चयनका लागि सहमतिबाट टुंगो लाग्न नसकेपछि निर्वाचन हुन लागेको हो । 

निर्वाचनका लागि पार्टीको निर्वाचन समितिले आज निर्वाचन तालिका समेत  सार्वजनिक गरेको छ । जसपा नेपालको  संसदीय दलको नेताको लागि  लालबाबु राउत, सरोजकुमार यादव र  रामआशिष यादवले दाबी गरेका छन् । 

आइतबार बसेको निर्वाचन समितिको बैठकले निर्वाचन तालिका सार्वजनिक गरेको छ । भोलि हुने निर्वाचनका लागि जसपा नेपालका मधेस प्रदेशका १६ जना सांसदहरूले मतदान गर्ने छन् ।