जसपाले आज मधेश प्रदेश संसदीय दलको नेता छान्दै

काठमाडौँ । जनता समाजवादी पार्टी (जसपा) नेपालले मधेश प्रदेशसभाको संसदीय दलको नेता शुक्रबार चयन गर्दैछ।

पार्टीका नेता लालकिशोर साह नेतृत्वको निर्वाचन समितिले शुक्रबार संसदीय दलको नेता चयन गर्न लागेको हो। संसदीय दलको नेता चयनको तयारीका लागि सांसदहरूको बैठक मधेश प्रदेशको कार्यालय जनकपुरमा बिहीबार बसेको थियो।

जसपाको संसदीय दलसम्बन्धी विधानमा निर्वाचन प्रक्रियाबाटै संसदीय दलको नेता चयन गर्नुपर्ने व्यवस्था छ। सोही व्यवस्था बमोजिम मधेश प्रदेशमा निर्वाचन समितिले प्रक्रिया अगाडि बढाएको हो।

मधेश प्रदेशमा जसपाका प्रत्यक्षतर्फबाट निर्वाचित ९ जना र समानुपातिक ७ जना गरी १६ जना सांसद छन्।