पार्टीका सांसदबाट जनही २० हजार रुपैयाँ उठाउने राप्रपाको निर्णय

सफल खबर संवाददाता

विहीबार, १४ पुस २०७९, ११ : १३
पार्टीका सांसदबाट जनही २० हजार रुपैयाँ उठाउने राप्रपाको निर्णय

काठमाडौं । राप्रपाले पार्टीका संघीय सांसदहरुबाट जनही २० हजार रुपैयाँ लेवी उठाउने निर्णय गरेको छ ।

बुधबार पार्टी कार्यालय धुम्बराहीमा बसेको केन्द्रीय कार्यसम्पादन समितिको बैठकले सांसदहरुबाट जनही २० हजार रुपैयाँ लेवी उठाउने निर्णय गरेको एक नेताले जानकारी दिए । 

ती नेताका अनुसार प्रदेशको हकमा भने १० देखि १५ हजारसम्म उठाउने गरी निर्णय भएको छ । प्रदेशमा प्राप्त हुने सेवा सुविधानको आधारमा प्रदेशले सो सीमामा रहेर लेवी तोक्ने गरी निर्णय भएको हो । 

प्रतिनिधिसभामा राप्रपाको १४ सांसद रहेका छन् भने प्रदेशमा २८ सदस्य छन् ।