कांग्रेसले बोलायो केन्द्रीय कार्यसमितिको बैठक

काठमाडौं । नेपाली कांग्रेसका सभापति शेरबहादुर देउवाले केन्द्रीय कार्यसमितिको बैठक डाकेका छन् ।सभापति देउवाले पार्टी कार्यालय सानेपास्थित केन्द्रीय कार्यालयमा शुक्रबार दिउँसो १ बजे का लागि केन्द्रीय कार्यसमितिको बैठक बोलाएका हुन् ।

बैठकको छलफलका लागि ३ वटा एजेण्डा तय भएका छन् । जसअन्तर्गत प्रतिनिधि सभा र प्रदेश सभा सदस्य निर्वाचन-२०७९ को समीक्षा, समसामयिक राजनीति विषय रहेका छन् । बैठकमा विशेषतः पछिल्ला समसामयिक राजनीतिक विषयहरुमा छलफल हुने बताइएको छ ।

निर्वाचनमा ८९ सिट जित हासिल गरेर पहिलो दल बनेको कांग्रेस कसरी प्रतिपक्षको भूमिकामा पुग्यो भन्ने विषयमा पनि बैठकमा छलफल हुने बताइएको छ ।