निर्वाचन बिथोल्नेमाथि निगरानी बढाउँदै प्रहरी

पत्रपत्रिकाबाट

बुधबार, ३० कार्तिक २०७९, ०९ : ०५
निर्वाचन बिथोल्नेमाथि निगरानी बढाउँदै प्रहरी

काठमाडौं । प्रतिनिधिसभा र प्रदेशसभा निर्वाचनका लागि नेपाल प्रहरीले सुरक्षा निगरानी बढाएको छ । निर्वाचन बिथोल्ने क्रियाकलापमा संलग्न व्यक्ति तथा समूहमाथि गोप्य निगरानी बढाइएको हो ।

प्रहरीले मंगलबारसम्म निर्वाचन बिथोल्ने क्रियाकलापमा संलग्न १ सय १५ जनालाई पक्राउ गरिसकेको छ । नेपाल प्रहरीका प्रवक्ता डीआईजी टेकप्रसाद राईले निर्वाचन बिथोल्ने क्रियाकलापमा संलग्न १ सय १५ जनालाई नियन्त्रणमा लिइएको जानकारी दिए ।

निर्वाचनमा नेपाल प्रहरीका तर्फबाट ७१ हजार ६ सय ९३ सुरक्षाकर्मी परिचालन छन् । निर्वाचन शान्तिपूर्ण सम्पन्न गराउन प्रहरीले पाएको जिम्मेवारीअनुसार काम गरिरहेको प्रवक्ता राई बताउँछन् । ‘प्रहरीले पाएको म्यान्डेडअनुसार सुरक्षा व्यवस्था तयारी अघि बढाइसकेको छ, केही व्यक्तिमाथि मुद्दा अघि बढाउने तयारीसमेत छ,’ उनले राजधानीसँग भने ।

जिल्ला प्रहरी प्रमुखमातहत रहनेगरी प्रहरी प्रधान कार्यालयले सिपाहीदेखि प्रहरी नायब उपरीक्षक ९डीएसपी०सम्मलाई निर्वाचन सुरक्षाका लागि केन्द्रबाट परिचालन गरेको हो । देशभरका २२ हजार ५ सय ३४ मतदान केन्द्रको सुरक्षाका लागि नेपाल प्रहरी, नेपाली सेना, सशस्त्र प्रहरी, राष्ट्रिय अनुसन्धान विभागका कर्मचारी तथा म्यादी प्रहरीबाट गरी झन्डै ३ लाख सुरक्षाकर्मी परिचालन प्रहरीले नियन्त्रणमा लिएकामध्ये ११ जनाविरुद्ध मुद्दा दर्ता तयारीसमेत गरिएको छ । उनीहरूका साथबाट विस्फोटक पदार्थ (बारुद) फेला परेको प्रहरी बताउँछ ।

तीमध्ये सात तनहुँबाट तथा चार जनालाई बाग्मती प्रदेशअन्तर्गतका विभिन्न जिल्लाबाट प्रहरीले नियन्त्रणमा लिएको हो । उनीहरूमध्ये १ सय ४ जनालाई हाजिरी जमानतमा रिहा गरेको प्रहरी प्रधान कार्यालयले जनाएको छ । आगामी निर्वाचन विभिन्न ३१ समूहले बहिष्कार घोषणा गरिसकेका छन् । ती समूहले शान्तिपूर्ण गतिविधि गर्ने घोषणा गरे पनि ‘शान्ति सुरक्षामा असर पर्नेगरी गतिविधि सञ्चालन गरेको’ पाइएपछि नियन्त्रणमा लिनुपरेको प्रहरी दाबी छ ।

प्रहरी प्रधानकार्यालयले निर्वाचन भ्रम फैलाउने र शान्ति सुरक्षामा असर पर्नेगरी कुनै गतिविधि गरे तत्काल नियन्त्रण गर्नेगरी पूर्वतयारीमा रहन मातहतका निकायलाई परिपत्रसमेत गरेको छ ।देशभरका २२ हजार ५ सय ३४ मतदान केन्द्रको सुरक्षाका लागि नेपाल प्रहरी, नेपाली सेना, सशस्त्र प्रहरी, राष्ट्रिय अनुसन्धान विभागका कर्मचारी तथा म्यादी प्रहरीबाट गरी झन्डै ३ लाख सुरक्षाकर्मी परिचालन गरिएको छ ।

एकीकृत सुरक्षा योजनाअन्तर्गत नेपाल प्रहरी मतदानस्थल सुरक्षा व्यवस्थापनमा खटिनेछ । प्रहरीसँगै म्यादी प्रहरी सो जिम्मेवारीमा रहनेछ । सेनाले निर्वाचनमा बाहिरी सुरक्षा जिम्मा पाएको छ भने सशस्त्र प्रहरीले बाहिरी सुरक्षाअन्तर्गत दोस्रो घेरामा रहनेगरी जिम्मेवारी पाएको छ । सशस्त्रलाई जिल्ला निर्वाचन कार्यालय, मुख्य निर्वाचन अधिकृत कार्यालयलगायतको सुरक्षाको जिम्मा पनि छ । नेपाल समाचारपत्र दैनिकमा खबर छ । 

प्रतिक्रिया दिनुहोस