पोखरा । गण्डकी प्रदेश सरकारका ऊर्जामन्त्री हरिशरण आचार्य बर्खास्त भएका छन् । मुख्यमन्त्री कृष्णचन्द्र नेपाली पोखरेलले उनलाई बर्खास्त गरेको पत्र प्रदेश प्रमुख पृथ्वीमान गुरुङसमक्ष पत्र पठाएका छन् ।
तर, यसबारे मुख्यमन्त्री कार्यालयका प्रवक्ता तथा उपसचिव रामेश्वर अर्यालले आफूलाई जानकारी नरहेको बताए । मन्त्री आचार्यकाे बर्खास्तगीबारे प्रदेश प्रमुख कार्यालयमा बुझ्न भन्दै उनी पन्छिए । ‘मन्त्री बर्खास्तबारे मलाई जानकारी छैन,’ उनले भने, ‘यसबारे आधिकारिक धारणा आउला नि, एकपटक प्रदेश प्रमुख कार्यालयमा बुझ्नुस् न ।’
प्रदेश प्रमुख कार्यालयमा पनि बुझौँला, तर मुख्यमन्त्री कार्यालय मन्त्री आचार्यलाई बर्खास्त गरेको हो कि होइन ? तपाईं पनि आधिकारिक हो नि भन्दै प्रश्न गरेपछि प्रवक्ता अर्यालले फोन काटेर जवाफ नदिई पन्छिए ।
स्राेतका अनुसार मन्त्री आचार्य बर्खास्त भएकाे पत्र प्रदेश प्रमुख कार्यालयमा पुगिसकेकाे छ । उनीमाथि माओवादी अध्यक्षा पुष्पकमल दाहाल प्रचण्डविरुद्ध मत मागेकाे आराेप लागेकाे छ । उनी नेपाल समाजवादी पार्टीका सांसद हुन् । उनी आगामी निर्वाचनमा पनि उम्मेदवार हुन चाहन्थे । तर पार्टीले टिकट नदिएपछि उनले बागी उम्मेदवारी दर्ता गरेर पछि फिर्ता लिएका थिए । साेही कारण उनी सत्तागठबन्धनसँग रुष्ट हुँदै आएका छन् ।
प्रतिक्रिया दिनुहोस
सफल खबर संवाददाता
मंगलबार, २२ कार्तिक २०७९, १५ : ०८
लेखकबाट थप
सम्बन्धित समाचारहरु
गण्डकीमा संसद बैठक बहिस्कार गर्ने कांग्रेसको निर्णय
मुख्यमन्त्री नियुक्ती प्रकृया असंवैधानिक भन्दै कांग्रेसले प्रदेश प्रमुखलाई बुझायो पत्र
गण्डकीको बाह्र सय हेक्टरमा डढेलो
गण्डकीबाट कांग्रेसका किरण विजयी
गण्डकीमा गठबन्धन उम्मेदवारले दर्ता गरे मनोनयन
एक हजार चार सय योजना कार्यान्वयन गर्दै गण्डकी प्रदेश