भारतीय क्रिकेट टोली कप्तान शर्मा सेमिफाइनल खेलअघि अभ्यासका क्रममा घाइते

एजेन्सी । भारतीय क्रिकेट टोलीका कप्तान रोहित शर्मा नेट अभ्यासका क्रममा घाइते भएका छन् । एडिलेडमा ब्याटिङ नेट अभ्यासका क्रममा उनी घाइते भएका हुन्।

मिडिया रिपोर्टका अनुसार उनको दाहिने हातमा चोट लागेको छ । यस घटनाको भिडियो पनि सार्वजनिक भएको छ, जसमा उनी अभ्यास रोकेर मैदानको छेउमा बसेको देखिन्छ र तुरुन्तै एक मेडिकल स्टाफ आउँछन् जसले उनको हात हेर्छन्।

चोटपछि रोहित शर्माले ५० मिनेटको ब्रेक लिए र त्यसपछि १० मिनेट अभ्यास गरेका थिए । यद्यपी यो चोट कति गहिरो छ भन्ने बारेमा भने केही खुलाइएको छैन ।

टिम इन्डियाले आइतवार जिम्बावेलाई हराउँदै टी–२० विश्वकप २०२२ को सेमिफाइनलमा आधिकारिक प्रवेश गरेको छ । अब भारतले नोभेम्बर १० मा इंग्ल्याण्डसँग सेमिफाइनल खेल्ने तयारी गरिरहेको छ ।

यस प्रतियोगितामा भारत र इंग्ल्यान्ड दुवैले राम्रो प्रदर्शन गरिरहेका छन्, त्यसैले आगामी खेललाई निकै रोमाञ्चक मानिएको छ । न्युजिल्यान्ड, इंग्ल्याण्ड, भारत र पाकिस्तानले टी(२० विश्वकप २०२२ को सुपर १२ चरणमा केही निकै कठिन खेलपछि सेमिफाइनल खेल्नेछन्।