ब्राउन सुगरसहित २ युवा पक्राउ

काठमाडौं । मोरङ प्रहरीले सोमबार साँझ पथरीशनिश्चरेबाट ब्राउन सुगरसहित २ जना युवालाई पक्राउ गरेको छ।  

पथरीशनिश्चरे नगरपालिका–९ का ३० वर्षीय सन्तोष लिम्बू र २९ वर्षीय सुनील लिम्बूलाई ब्राउन सगुरसहित पक्राउ गरिएको मोरङ प्रहरीका प्रवक्ता डिएसपी दीपक श्रेष्ठले जानकारी दिए।  

विशेष सूचनाका आधारमा  पक्राउ परेका सन्तोषको घर खानतलासी गर्दा कोठामा झोलाभित्र लुकाएर राखेको ६ सय मिलिग्राम ब्राउन सुगर र नगद ३२ हजार ४ सय रूपैयाँ बरामद भएको डिएसपी श्रेष्ठले बताए।  

पक्राउ परेकाको सम्बन्धमा अनुसन्धान भइरहेको र उनीहरु २ जनाविरुद्ध लागुऔषध ऐनअन्तर्गतको मुद्दा चलाउने प्रहरीले जनाएको छ।