इटहरीका पूर्व मेयर द्वारिकलाल चौधरी माओवादी केन्द्र प्रवेश, प्रचण्डले गरे स्वागत

काठमाडौं । । इटहरी उपमहानगरपालिका पूर्व मेयर द्वारिकलाल चौधरी नेकपा (माओवादी केन्द्र) मा प्रवेश गरेका छन् । 

चौधरी आज बिहान अध्यक्ष पुष्पकमल दाहाल (प्रचण्ड) निवास खुमलटारमा पुगेर माओवादी प्रवेश गरेका हुन् । उनलाई  प्रचण्डले टिका र खादा लगाएर स्वागत गरे ।

नेकपा एमालेबाट टिकट पाउने सम्भावना नदेखेपछि माओवादी प्रवेश गरेको बताइएको छ । चौधरी मेयरमा दोहोरिन खोजे पनि उनको ५ वर्षे कार्यकाल विवादस्पद भएकाले एमालेले टिकट दिएन ।

त्यसपछि पनि संसदीय चुनावमा प्रदेशसभा भए पनि खाने भनेर बसेका चौधरीले त्यो संकेत नपाएपछि माओवादीबाट उम्मेदवार बन्न लागेका हुन् । चौधरी सुनसरी क्षेत्र नम्बर २ को प्रदेशसभा क बाट उम्मेदवार बन्न लागेका हुन् । गठबन्धनमा प्रतिनिधिसभाको सीट कांग्रेसको भागमा परेको छ ।