माओवादी अध्यक्ष प्रचण्डले शुभकामना सन्देश दिदैं भने : 'प्रतिगमन विरोधी शक्तिलाई मत दिनुस्'

सफल खबर संवाददाता

आइतबार, १६ असोज २०७९, ०८ : १९
माओवादी अध्यक्ष प्रचण्डले शुभकामना सन्देश दिदैं भने : 'प्रतिगमन विरोधी शक्तिलाई मत दिनुस्'

काठमाडौं । नेकपा (माओवादी केन्द्र) का अध्यक्ष पुष्पकमल दाहाल प्रचण्डले आगामी निर्वाचनमा प्रतिगमन विरोधी शक्तिलाई मत दिन अपिल गरेका छन् ।

‘आगामी मंसिर ४ गते हुनगइरहेको यस निर्वाचनमा प्रतिगमन विरोधी शक्तिलाई मत दिई संविधान, गणतन्त्र, संघीयताको रक्षा र सुदृढीकरणका लागि विजय गराउनुहुन आम जनसमुदायमा हार्दिक अपील गर्दछु ।’ आइतबार शुभकामना सन्देश जारी गर्दै प्रचण्डले भनेका छन्।

शुभकामना सन्देशमा उनले भनेका छन्, ‘हाम्रा सबै प्रमुख चाडहरुका आ–आफ्नै पृष्ठभूमि, मौलिकता र मूल्यहरु छन् । देशको भाषा, संस्कृति र सभ्यताहरुको संरक्षण गर्दै तिनको समृद्धिमा लाग्नु हामी सबैको दायित्व हो । हाम्रा यिनै सांस्कृतिक पर्वहरुले नेपाली समाजमा आपसी सहिष्णुता र भावनात्मक एकता पैदा गर्ने विश्वास लिएको छु ।’

प्रतिक्रिया दिनुहोस