जय नेपाल हलको आँगन खोतल्दा भेटियो टुकुचा

काठमाडौं । काठमाडौं महानगरपालिकाले बिहीबार हात्तीसारस्थित जय नेपाल हलको प्रङ्गणमा डोजर चलायो । टुकुचा मिचेर संरचना बनाएको पाइएपछि महानगरको टोली सो स्थानमा पुगेको थियो । 

डोजर लगाएर टुकुचा खोला उत्खनन् गर्दा हलको कम्पाउन्डभित्रै टुकुचा खोला भेटियो । महानगरले नक्सा अनुसार गरेको मार्किङका आधारमा डोजर चलाएर हल परिसरमा १५ फिट खन्दा टुकुचा खोला भेट्टिएको हो । नारायणहिटी दरबार क्षेत्रबाट निस्किएको टुकुचा खोला यसक्षेत्रमा हराएको थियो । 

लामो समयदेखि स्थानीयहरुले खोला अतिक्रमण गरेर संरचनाहरु निर्माण भएको भन्दै उत्खननको माग गर्दै आइरहेका थिए ।