एजेन्सी । श्रीलंकाले युएईमा जारी टि २० एसिया कप सुपर फोरमा भारतमाथि जित हात पारेको छ । गएराति भएको खेलमा भारतमाथि ६ विकेटको रोमान्चक जित हात पार्दै श्रीलंका फाइनल नजिक पुगेको हो ।
दुबई इन्टरनेशनल क्रिकेट स्टेडियममा जितको लागि १ सय ७४ रनको विजयी लक्ष्य पछ्याएको श्रीलंकाले १९.५ ओभरमा ४ विकेट गुमाउँदै पूरा गर्न सफल भयो । श्रीलंकाको जितमा ओपनर कुशल मेन्डिस र पाथुम निसंकाले अर्धशतक पारी खेले । मेन्डिसले सर्वाधिक ५७ रन तथा निसंकाले ५२ रन जोडे । त्यस्तै, कप्तान दसुन शनकाले ३३ तथा भानुका राजपाक्षले २५ रन बनाए।
बलिङतर्फ भारतका स्पिनर युजभेन्द्र चहलले ३ विकेट लिए भने रविचन्द्रन आश्विनले एक विकेट लिए ।त्यसअघि टस हारेर पहिला ब्याटिङ थालेको भारतले निर्धारित २० ओभरमा ८ विकेट गुमाउँदै १ सय ७३ रन बनाएको थियो । भारतका कप्तान रोहित शर्माले सर्वाधिक ७२ रन जोडे । सुर्यकुमार यादवले ३४ रन तथा हार्दिक पाण्ड्या र ऋषभ पन्तले १७र१७ रन बनाए ।
बलिङतर्फ दिलशान मदुशनकाले ३ विकेट लिए । त्यस्तै, चामिका करुणारत्ने र दासुन शनकाले समान २र२ तथा महेश थिक्सनाले १ विकेट लिए ।
लगातार दुई जितसँगै श्रीलंका फाइनल नजिक पुगेको छ । तर, भारतको फाइनल पुग्ने सम्भावनामा झिनो आशा मात्र बाँकी छ । बुधबार अफगानिस्तान र पाकिस्तानबीच प्रतिस्पर्धा हुनेछ । सो खेलमा पाकिस्तान विजयी भएमा भारतको फाईनल पुग्ने सम्भावना समाप्त हुनेछ।
प्रतिक्रिया दिनुहोस
एजेन्सी
बुधबार, २२ भदौ २०७९, ०८ : ०८
लेखकबाट थप
सम्बन्धित समाचारहरु
श्रीलंकामा नेपाली अलैंची चर्चा, अर्थतन्त्रमा योगदानबारे बहस
श्रीलंकाका विदेशमन्त्री नेपाल आउँदै
श्रीलंकामा पदयात्राका क्रममा अलपत्र परेका १८० विद्यार्थीको उद्धार
अदालतले पुनःस्थापना गर्यो निलम्बित श्रीलंकाली क्रिकेट बोर्ड
विश्वकप क्रिकेट : श्रीलंकाद्वारा पाकिस्तानलाई ३४५ रनको लक्ष्य
श्रीलंकाले निजी विश्वविद्यालयमा पढ्न निर्ब्याजी ऋण दिने