सप्तकोशी नदी किनारामा जंगली हात्ती मृत फेला

काठमाडौं । सप्तकोशी नदी किनारामा रहेको कोशी टप्पु वन्यजन्तु आरक्ष क्षेत्रमा जंगली हात्ती मृत फेला परेको छ। उदयपुरको बेलका नगरपालिका-८ सिसौली टप्पुस्थित सिसौली जंगलमा हात्ती मृत फेला परेको हो।

कोसी टप्पु वन्यजन्तु आरक्ष क्षेत्रमा पर्ने सिसौली जंगलमा जंगली हात्ती मृत अवस्था फेला परेको थियो । डिभिजन वन कार्यालय गाईघाटका सहायक वन अधिकृत तथा सूचना अधिकारी जागेश्वर साहका अनुसार गए राति नै स्थानीयहरूले हात्ती मृत अवस्थामा फेला परेको जानकारी दिएको बताए।

जंगली हात्ती मृत फेला परेपछि डिभिजन वन कार्यालय गाईघाटको टोली, भेटनरी अस्पताल तथा पशु सेवा विज्ञ केन्द्रका पशु डाक्टरसहित कोशी टप्पु वन्यजन्तु आरक्षका प्रतिनिधिहरूसहित पोस्टमार्टममा पुगेका थिए।

उनले भने, ‘त्यही क्षेत्रमा घुमी रहने जंगली हात्ती केही दिनअघि नै मृत्यु हुनसक्ने अनुमान गरिएको थियो। हात्ती मृत अवस्थामा फेला परेकाले पोस्टमार्टमसहित अनुसन्धान अघि बढाएका छौँ। मृत्युको कारण पोस्टमार्टमको रिपोर्ट नआइकन भन्न सकिँदैन।’