बागलुङ । अगामी प्रदेश तथा प्रतिनिधिसभा निर्वाचनका लागि बागलुङमा नेकपा (एकीकृत समाजवादी)ले उम्मेदवाको नाम सिफारिस गरिएको छ । क्षेत्र नम्बर १ बाट प्रतिनिधिसभा सदस्यका लागि स्थायी कमिटी सदस्य तथा गण्डकी प्रदेश अध्यक्ष रामजीप्रसाद शर्मा र केन्द्रीय सदस्य श्रीप्रसाद शर्माको नाम सिफारिस गरिएको छ ।
यस्तै क्षेत्र नम्बर १ प्रदेश (क) बाट लालबहादुर थापा र भरत पुरीलाई सिफारिस गरिएको छ । गठबन्धन भएको खण्डमा सङ्घ र प्रदेश सांसदमा सिफारिस गरेकामध्येबाटै मिलाउने गरी क्षेत्र नम्बर १ प्रदेश (ख)बाट अन्यको नाम सिफारिस नगरिएको पार्टीका जिल्लास्तरीय प्रचार विभाग प्रमुख शालिकराम शर्माले जानकारी दिए । यस्तै बागलुङक्षेत्र नम्बर २ बाट प्रतिनिधिसभा सदस्यका लागि पूर्वसंसद् तथा पार्टीका केन्द्रीय सदस्य शान्ति अधिकारीको नाम सर्वसम्मत सिफरिस गरिएको छ ।
क्षेत्र नम्बर २ कै प्रदेशसभा (क)बाट पार्टी केन्द्रीय परिषद् सदस्य कमल घिमिरे र (ख) बाट जिल्ला सचिवालय सदस्य हरि घर्तीको नाम सिफारिस गरिएको प्रचार विभाग प्रमुख शर्माले बताए । यस्तै क्षेत्र नम्बर २ बाट समानुपातिकतर्फ प्रदेश कमिटी सदस्य लिला शेरचन र पार्टी जिल्ला कमिटी उपाध्यक्ष केशर छन्त्याललाई सिफारिस गरिएको छ ।
प्रतिक्रिया दिनुहोस
रासस
शुक्रबार, १७ भदौ २०७९, १४ : ५४
लेखकबाट थप
सम्बन्धित समाचारहरु
नेकपा एसमा १७५ सदस्यीय केन्द्रीय समिति र ७० वर्षे उमेरहद नराख्ने प्रस्ताव
नेकपा एसले विधान संशोधन गर्न कार्यकर्ता तहबाट सुझाव लिने
राष्ट्रिय सभा निर्वाचनका लागि उम्मेदवार छान्न नेकपा एसको बैठक बस्दै
नेकपा एसको केन्द्रीय समिति बैठक आज जारी रहने
नेकपा एसको सचिवालय बैठक आज पनि बस्ने
काँग्रेसबाट देशको सङ्कट टार्ने अपेक्षा गर्न सकिँदैन, माओवादी एक्लैले सक्दैन : नेकपा एस