काठमाडौँ । संसद्मा महाअभियोग प्रस्ताव दर्ता भई निलम्बित रहेका प्रधान न्यायाधीश चोलेन्द्रशमशेर जबराले महाअभियोग सिफारिस समितिमा दिएका जवाफबाट आफू दंग भएको नेकपा एमालेका संसदीय दलका उपनेता सुवासकुमार नेम्वाङले बताएका छन्।
प्रधान न्यायाधीश राणा बुधबार र बिहीबार महाअभियोग सिफारिस समितिमा अदालत, न्यायाधीशहरु, बारका तत्कालीन पदाधिकारीहरु, संसदलगायत सबैतिर खनिएका थिए।
उपनेता नेम्वाङले राणाका जवाफप्रति इंगित गर्दै भने- ‘उहाँका अभिव्यक्तिबाट हामी दंग छौँ।’समितिमा सोधपुछका क्रममा प्रधान न्यायाधीश राणाले महाअभियोग राजनीतिक उद्देश्यले ल्याएको बताएका थिए। उपनेता नेम्वाङले पनि आफूले पटकपटक प्रधान न्यायाधीश राणामाथिको महाअभियोग पारित गर्ने उद्देश्यले भन्दा राजनीतिक उद्देश्यले ल्याएको बताएको स्मरण पनि गरे।
उपनेता नेम्वाङले ललिता निवास प्रकरणमा पूर्वप्रधानमन्त्री समेत रहेका माधवकुमार नेपालमाथिको मुद्दा अगाडि बढाउनुपर्छ भन्ने आवाज बाहिर आउँदा प्रधान न्यायाधीश राणामाथि महाअभियोग अगाडि बढाइएको दाबी गरे। चोलेन्द्रशमशेर राणाले सिफारिस समितिमा गठबन्धन सरकारले आफूमाथि प्रतिशोध साधेको जवाफ दिएका थिए।
नेम्वाङले गत असार २८ गतेको परमादेशमा दलीय ह्वीप नलाग्ने उल्लेख भएकामा संसदीय मान्यताको आधारभूत मान्यता विपरीत चलखेल भएको बताए।‘न्यायाधीशहरुले प्रभावित भएर चलखेल गरेको हामीले भन्दै आएका थियौँ,’ नेम्वाङले भने, ‘प्रधान न्यायाधीश राणाले पनि यही दोहोर्याउनुभयो।’
प्रतिक्रिया दिनुहोस
सफल खबर संवाददाता
विहीबार, १६ भदौ २०७९, १५ : ०१
लेखकबाट थप
सम्बन्धित समाचारहरु
संबिधानसभा अध्यक्ष नेम्वाङको सम्झनामा सबै प्रदेशमा बिचार गोष्ठी हुदैँ
राष्ट्रपतिले पठाए सुवास नेम्वाङको परिवारलाई समवेदना सन्देश
एमालेले असोज २ गते नेम्वाङको स्मृतिमा सातै प्रदेशमा कार्यक्रम गर्ने
स्वर्गीय सुवास नेम्वाङको राजकीय सम्मानसहित अन्त्येष्टि (फोटो फिचर)
सुवासचन्द्र नेम्वाङको शवयात्रा सुरु
सुवास नेम्वाङका जेठा छोरा मिङ्सो पनि आईपुगे