सन्दीपले ‘युएई इन्टरनेसनल टी-20’ लिग डेजर्ट भाइपर्सबाट खेल्ने

सफल खबर संवाददाता

शनिबार, ०४ भदौ २०७९, ०९ : ०२
सन्दीपले ‘युएई इन्टरनेसनल टी-20’ लिग डेजर्ट भाइपर्सबाट खेल्ने

काठमाडौं । नेपाली राष्ट्रिय क्रिकेट टोलीका कप्तान तथा युवा लेग स्पिनर सन्दीप लामिछानेले युएईको फ्रेन्चाईज क्रिकेट ‘युएई इन्टरनेसनल टी-ट्वान्टी’ लिग डेजर्ट भाइपर्सबाट खेल्ने भएका छन्।

लिगको मार्की खेलाडीको रूपमा रहेका सन्दीपलाई भाइपर्सले शुक्रबार प्रतियोगिताका लागि अनुबन्ध गरेको हो। भाइपर्सले सन्दीपसँगै इङ्ल्याण्डका ६ जना, वेष्टइन्डिजका २ जना, श्रीलंका, पाकिस्तान, न्युजिल्याण्ड र नामिबियाका १-१ जना खेलाडीलाई अनुबन्ध गरेको छ।

टोली युवा र अनुभवी खेलाडीहरूले भरिएको छ। यस्तै टम मुडीलाई क्रिकेट निर्देशकको रूपमा र जेम्स फोस्टरलाई डेजर्ट भाइपर्स टोलीका लागि मुख्य प्रशिक्षकको रूपमा भित्र्याएको छ।