सप्तरी । अविरल वर्षाका कारण सप्तकोशी नदीमा पानीको बहाव बढेकाले कोशी ब्यारेजका ४६ ढोका खोलिएको छ । पूर्वी पहाडका उदयपुर, सप्तरी, सुनसरीलगायत तटीय क्षेत्रमा कोशी नदी अनियन्त्रत भएर बगेपछि बाढीको खतरालाई मध्यनजर गरी ५४ मध्ये ४६ ढोका खुला गरिएको हो ।
सप्तरीका प्रहरी उपरीक्षक अभिनारायण काफ्लेका अनुसार हाल कोशी ब्यारेज हुँदै २ लाख ४३ हजार १ सय ८० क्युसेक प्रति सेकेन्डका दरले पानीको बहाब बढेको छ । सप्तकोशीका सहायक नदीहरुमा पानीको बहाब बढेर कोशीमा नियन्त्रण नआएपछि ब्यारेजका ४६ वटा ढोका खोलेर पानीलाई निकास दिइएको हो । उदयपुरको बेलाका नगरपालिकास्थित डुम्रीबोटेको पश्चिम बस्तीतर्फ कोसीको पानी सोझिएको बताइएको ।
कोसीको पानी बस्तीतर्फ सोझिएपछि बाढीका कारण केही विस्थापित भइरहेका छन् । उदयपुरमा २ हजार ५ सयभन्दा बढी मानिस विस्थापित भएका छन् भने सप्तरीको हनुमाननगर कंकालिनी नगरपालिका— १३ गोबरगाढाको सामुदायिक भवन र विद्यालय भवन कटान गरी बगाएको छ । कोसीमा पानीको बहाब कम नभएकाले तटीय क्षेत्रमा सतर्कता अपनाउन आग्रह गरिएको छ ।
प्रतिक्रिया दिनुहोस
सफल खबर संवाददाता
विहीबार, १९ साउन २०७९, ११ : १५
लेखकबाट थप
सम्बन्धित समाचारहरु
कांग्रेसले कोशी प्रदेश सभा बैठकमा अवरोध गर्ने
कोशीका मुख्यमन्त्री कार्कीले लिए शपथ, दुई मन्त्री नियुक्त
कोशीमा सरकार परिवर्तनको पहल शुरु
भाले गैँडा कोशीटप्पुमा स्थानान्तरण गरिने
कोशीमा केदार कार्की नेतृत्वकै सरकारले निरन्तरता पाउने कांग्रेसको निष्कर्ष
कोशीका नवनियुक्त मन्त्रीहरुले लिए शपथ