काठमाडौं । मोरङ, रुपन्देही र बर्दियामा सडक दुर्घटनामा परेर ३ जनाको मृत्यु भएको छ । मोरङ, पथरी शनिश्चरे नगरपालिका–२ पारुहाङ टोलमा प्र.१–०२–००३ ह ५८३ नम्बरको सिटी सफारीको ठक्करबाट सोही ठाउँकी ४ वर्षीया सिहाङ राईको मृत्यु भएको छ । मंगलबार दुर्घटनामा परेर गम्भीर घाइते भएकी उनको बिराट नर्सिङ होममा उपचारको क्रममा मृत्यु भएको हो प्रहरीले जनाएको छ । दुर्घटनामा घाइते भएका अटो चालक सहित दुईजनाको मोरङ अस्पतालमा उपचार भइरहेको छ ।
रूपन्देहीको तिलोत्तमा नगरपालिका–१ ड्राईभरटोलमा ना।६ ख ४००० नम्बरको कन्टेनरले लु।१५ प ९४८२ नम्बरको मोटरसाइकललाई ठक्कर दिँदा मोटरसाइकल चालकको मृत्यु भएको छ । दुर्घटनामा परेर गैडहवा गाउँपालिका–६ बस्ने २१ वर्षीय जितेन्द्र हरिजनको मृत्यु भएको प्रहरीले जनाएको छ। दुर्घटनामा गम्भीर घाइते भएका उनको क्रिमशन हस्पिटल मणिग्राममा उपचारको क्रममा मृत्यु भएको हो । कन्टेनर चालकलाई प्रहरीले पक्राउ परेको छ ।
बर्दियाको गेरुवा गाउँपालिका–६ नौरंगामा नेपालगन्जबाट गोलातर्फ जाँदै गरेको भे।१ ख ३३६४ नम्बरको हाईसको ठक्करबाट पैदलयात्रीको मृत्यु भएको छ । राजापुर नगरपालिका–१ बस्ने ३२ वर्षीय बसन्त थारुको मंगलबार साँझ मृत्यु भएको जिल्ला प्रहरी कार्यालय बर्दियाले जनाएको छ । चालकलाई प्रहरीले नियन्त्रणमा लिएको छ ।
प्रतिक्रिया दिनुहोस
सफल खबर संवाददाता
बुधबार, ०४ साउन २०७९, ११ : ४५
लेखकबाट थप
सम्बन्धित समाचारहरु
छुट्टाछुट्टै सवारी दुर्घटनामा दुई जनाको मृत्यु
छुट्टाछुट्टै सवारी दुर्घटनामा तीन जनाको मृत्यु
काठमाडौँसहित छुट्टाछुट्टै स्थानमा सवारी दुर्घटना, पाँच जनाको मृत्यु
सवारी दुर्घटनामा चार जनाको मृत्यु
काठमाडौँसहित छुट्टाछुट्टै स्थानमा सवारी दुर्घटना, ७ जनाको मृत्यु
छुट्टाछुट्टै सवारी दुर्घटनामा ६ जनाको मृत्यु