काठमाडौं । सहरी विकास मन्त्री मेटमणि चौधरीले फोहोरबाटै ग्यास, मल लगायत पदार्थको उत्पादन गरी आर्थिक विकास र रोजगारी समेत सिर्जना गर्ने बताएका छन् ।
मंगलबार मन्त्रालयमा आयोजित फोहोर मैला व्यवस्थापनमा क्रियाशील नेपालकै पहिलो कम्पनी ‘भेन्चर वेष्ट टु इनर्जी’ को विज्ञ टोलीसँग चौधरीले फोहोरको दीर्घकालीन समाधान गर्ने बताएका हुन् ।
फोहोर व्यवस्थापनमा गम्भीर देखिएका मन्त्री चौधरीले भने, ‘हामीले गफ धेरै गर्यौँ । अब काम गरौँ । काठमाडौँको फोहोर मात्रै होइन देशैभरीको फोहोरलाई व्यवस्थित ढंगले व्यवस्थापन गरौँ । फोहोर बाटै ग्यास, मल लगायत पदार्थको उत्पादन गरी आर्थिक विकास र रोजगारी समेत सिर्जना गर्नेतिर ध्यान दिनतर्फ सोचौँ । मन्त्रालय फोहोरको स्थायी समाधान गर्न तयार छ ।’
भेन्चर वेष्ट टु इनर्जीले नेपालमा ५५ देखि ६५ प्रतिशत सम्म कुहिने फोहोर, २५ प्रतिशतसम्म रिसाइकलयोग्य फोहोर र बाँकी काम नलाग्ने खालको फोहोर उत्पादन हुने बताएको थियो । काठमाडौँमा मात्र फोहोरबाट वर्षेनी ६८ लाख लिटर पेट्रोल विस्थापित गर्न सकिने अनुमान प्रक्षेपण गरेको छ भने दैनिक १५ टन मल उत्पादन हुन सकिने जनाएको छ ।
धरान उपमहानगर पालिकासँगको सहकार्यमा फोहोर व्यवस्थापन गरिरहेको उक्त संस्थाले हालै दैनिक रुपमा फोहोर मैलाबाट जैविक इन्धन उत्पादन गर्न सुरु गरेको छ ।
प्रतिक्रिया दिनुहोस
सफल खबर संवाददाता
बुधबार, २९ असार २०७९, ०७ : ३४
लेखकबाट थप
सम्बन्धित समाचारहरु
काठमाडौं उपत्यकाको फोहोर विसर्जनमा फेरि अवरोध
काठमाडौं उपत्यकाको फोहोर विसर्जनमा अवरोध
१४ हजार केजी कुहिने फोहोर टेकुमा कम्पोष्टिङ
धनगढीमा नकुहिने फोहोर वर्गीकरण गरेर बिक्री गरिँदै
पोखराको फोहोर व्यवस्थापनमा स्थानीयको अवरोध
दार्चुलाको स्थानीयले फोहोर नउठाएपछि फाले नगरपालिका कार्यालयभित्र फोहोर