‘श्रीलंका जस्तै नेपालमा पनि राष्ट्रपति र प्रधानमन्त्री भाग्नु नपरोस’ : डा. भट्टराई

काठमाडौं । पूर्वप्रधानमन्त्री एवम् जनता समाजवादी पार्टी (जसपा) नेपालका संघीय परिषद् अध्यक्ष डा. बाबुराम भट्टराईले नेपालमा अहिले आर्थिक संकट तथा चौतर्फी भ्रष्टाचार बढिरहेको बताएका छन् ।

सोमवार राती एक ट्वीट गर्दै डा. भट्टराईले श्रीलंकाको जनआक्रोशबाट नेपालका नेताहरूले पनि सिक्नुपर्ने समेत बताएका छन् । उनले भनेका छन्,'श्रीलंकामा जनआक्रोशबाट राष्ट्रपति र प्रधानमन्त्री नै भाग्नुपरेको घटनाबाट नेपाल लगायत अरू देशका नेताहरूले पनि बेलैमा सिक्नु राम्रो होला ।'

डा. भट्टराईले नेपालमा अहिले आर्थिक संकट, चौतर्फी भ्रष्टाचार, परिवारवाद, आसेपासेवाद र मनपरीतन्त्रका कारण मुलुक छिट्टै श्रीलंकाजस्तै बन्ने चिन्ता समेत व्यक्त गरेका छन् ।

उनले भनेका छन्,'नेपालमा अहिले जसरी आर्थिक संकट, चौतर्फी भ्रष्टाचार, परिवारवाद, आसेपासेवाद र मनपरीतन्त्र गुत्थिँदैछ, त्यो दिन टाढा नहुन सक्छ ।'