सवारी दुर्घटनामा परि सप्तरीमा एकजनाको मृत्यु

काठमाडौं । सप्तरीमा भएको सवारी दुर्घटनामा एकजनाको मृत्यु भएको छ । कञ्चनरुप नगरपालिका २ बरमझिया चोकमा हिजो बेलुका भएको सवारी दुर्घटनामा एकजनाको मृत्यु भएको हो । एकजना घाइते भएका छन् ।

मृत्यु हुनेमा मोटरसाइकल चालक मोरङको विराटनगरका अन्दजी ५० वर्षीय युवराज खतीवडा रहेका छन् । उनको उपचारका क्रममा गजेन्द्र नारायण सिंह अस्पताल राजविराजमा मृत्यु भएको प्रहरीले जनाएको छ । 

घाइते भएका मोटरसाइकलमा पछाडी सवार मोरङकै विराटनगर उपमहानगरपालिका १५ का ४७ वर्षीय गौतम महतोको सोही अस्पतालमा उपचार भइरहेको छ । 

प्रदेश १—०२—४४ प ६१० नम्बरको मोटरसाइकल हिजो बेलुकी साढे ७ बजे सडकमा बसिरहेको चौपायासँग ठोक्किएर  अनियन्त्रित भइ बिपरित दिशाबाट आउँदै गरेको ना ७ ख २५२२ नम्बरको टिपरमा ठोक्किएको थियो ।