सबै आन्तरिक उडान नियमित

सफल खबर संवाददाता

बुधबार, ०८ असार २०७९, ०७ : ४३
सबै आन्तरिक उडान नियमित

काठमाडौं । वायुसेवा सञ्चालक संघ र नेपाल नागरिक उड्डयन प्राधिकरणबीचको विवादका विषयमा वार्ता शुरु भएपछि बुधबारका सबै आन्तरिक उडान नियमित हुने भएको छ ।

उडान सुचारु गर्ने विषयमा वायुसेवा सञ्चालक संघ र प्राधिकरणबीच मंगलवार मध्यरातमा सहमति भएको हो । वायुसेवा सञ्चालक संघका अध्यक्ष, उपाध्यक्ष, प्रवक्ता, नियमित उडान र हेलिकप्टरका प्रतिनिधिसहित ९ जनाको टोली तथा प्राधिकरणका महानिर्देशकसहितको टोलीसँग वार्ता शुरु भएसँगै उडान नियमित गर्ने सहमति भएको हो ।