भरतपुर महानगर अपडेट: रेनु दाहाललाई ७३ मतले उछिन्दै विजय सुवेदीले लिए अग्रता

चितवन ।  भरतपुर महानगरपालिकामा रेनु दाहाललाई ७३ मतले पछि उछिन्दै एमाले उम्मेदवार विजय सुवेदीले अग्रता लिएका छन् । हाल सम्म १३५६५ मतको परिणाम आउदा एमालेका सुवेदीले ४६२५ मत प्राप्त गरेका छन् । भने रेनु दाहालले ४५५२ मत प्राप्त गरेका छन् ।

दाहाल र सुवेदी बिच तिव्र प्रतिष्पर्धा देखिएको छ । सय मत गणनाको क्रममा कुनै बेला दाहालले अग्रता कायम गर्छिन् भने कुनै बेला सुवेदीले अग्रता हासिल गर्ने गरेका छन् ।यस्तै काँग्रेसबाट बागी स्वतन्त्र उम्मेदवार जगन्नाथ पौडेलले २०४० मत प्राप्त गरेका छन् ।

उपमेयरमा सत्तारुढ गठबन्धनका तर्फबाट चित्रसेन अधिकारीले ५३९५ मत प्राप्त गर्न सफल भएका छन् भने राप्रपा उम्मेदवार हिमला गुरुङले ३६७९ मत प्राप्त गरेका छन् ।
अहिले ४ नं वडाको मतगणना भइरहेको छ ।