भरतपुरमा गठबन्धनले खाता खोल्यो, १ नम्बर वडामा गठबन्धनका केशव महर्जन विजयी, मेयरमा रेनु दाहालको अग्रता कायमै

चितवन । भरतपुर महानगरको वार्ड नम्बर १ मा ५ दलिय गठबन्धनका तर्फबाट काँग्रेसका उम्मेदवार केशव महर्जन निर्वाचित भएका छन । 

महर्जनले १३९७ मत ल्याउदैं जित हासिल गरेका हुन् भने उनका निकटतम प्रतिद्धन्द्धी एमालेका सूर्य श्रेष्ठले १३१३ मत पाउन सफल भए । यो वडामा कुल मतदाता ५०७४ भएपनि ३२७६ मत खसेको थियो । 

भरतपुर–१ को अन्तिम मतपरिणाम आउदा मेयरमा रेनु दाहालले १२०८ मत ल्याउदैं अग्रता कायम राखेकी छिन् । त्यस्तै उनलाई दोश्रो स्थानमा पछ्याउदैं एमालेका उम्मेदवार विजय सुवेदीले १०८७ मत प्राप्त गर्न सफल भएका छन् । त्यस्तै, काँग्रेसबाट बागी बनेर स्वतन्त्र उम्मेदवारी दिएका जगन्नाथ पौडेलले ४३० मत पाएका छन् ।

त्यसैगरि, उपमेयरमा गठबन्धनका चित्रसेन अधिकारीले १३६२ मत प्राप्त गरेका छन् । भने उनका निकटतम प्रतिद्धन्द्धी राप्रपा उम्मेदवार हिमला गुरुङले ८७७ मत प्राप्त गरि पछ्याईरहेका छन् ।