अपडेटः हालसम्म एक लाख ३६ हजारको उम्मेदवारी

काठमाडौं । स्थानीय तह निर्वाचनमा देशभर १ लाख ३६ हजार २६९ उम्मेदवारले मनोनयन दर्ता गराएका छन् । 

निर्वाचन आयोगले मंगलबार बिहान सार्वजनिक गरेको विवरण अनुसार आइतबार र सोमबार गरी यो संख्यामा उम्मेदवारी दर्ता भएको हो ।

स्थानीय तहमा ३० वैशाखमा ३५ हजार २ सय २१ जनप्रतिनिधिका लागि चुनाव हुँदैछ । २०७४ को स्थानीय तहको चुनावमा १ लाख ५१ हजार १ सय ९० जनाले उम्मेदवारी दिएका थिए । ७५३ वटै पालिकाको उम्मेदवारी दर्ताको विवरण आउने क्रम जारी छ ।